Enska úrvalsdeildarfélagið Everton gekk í dag frá kaupum á þremur leikmönnum; Yerri Mina og Andre Gomes frá Barcelona og Bernarnd frá Shakhtar Donetsk.
Everton borgar um 28,5 milljónir punda fyrir Mina, Bernard kemur án greiðslu og Andre Gomes kemur á eins árs lánssamningi.
Yerri Mina stóð sig afar vel með kólumbíska landsliðinu á HM á meðan Bernard er búinn að vera einn besti leikmaðurinn í úkraínska boltanum undanfarin ár. André Gomes á 29 landsleiki með Portúgal.