Aron Einar og félagar úr fallsæti

Aron Einar Gunnarsson og félagar í Cardiff unnu sinn annan leik á tímabilinu í ensku úrvalsdeildinni í knattspyrnu þegar Brighton kom í heimsókn í dag. Sigurmark Cardiff kom á lokamínútu leiksins þar sem lokatölur urðu 2:1.

Brighton komst yfir á 7. mínútu þegar Lewis Dunk skallaði aukaspyrnu í netið. Cardiff náði hins vegar að jafna á 28. mínútu þegar Callum Paterson skoraði með skalla eftir flottan sprett Kadeem Harris inn á teiginn. Á 34. mínútu fékk Dale Stephens í liði Brighton að líta beint rautt spjald eftir grófa tæklingu og var Cardiff því manni fleiri það sem eftir lifði leiks.

Aron Einar spilaði allan leikinn og tók við fyrirliðabandi Cardiff á 70. mínútu, en liðinu gekk illa í leit sinni að sigurmarki þrátt fyrir að hafa bætt við sóknarþunga sinn eftir því sem á leið. Það breyttist hins vegar á 90. mínútu þegar Sol Bamba skoraði eftir harða hríð að marki Brighton og innsiglaði 2:1 sigur Cardiff.

Með sigrinum komust Aron Einar og félagar upp úr fallsæti, í það minnsta um stund, og eru nú með átta stig í 16. sæti deildarinnar.

Cardiff	2:1	Brighton	Opna lýsingu Loka
90. mín. Sol Bamba (Cardiff) skorar 2:1 - Þvílík dramatík! Stórsókn Cardiff ber árangur eftir að boltinn fór tvívegis í marksúlurnar, en Bamba kemur honum að lokum yfir línuna. Er þetta sigurmarkið?
Augnablik — sæki gögn...

• Blogga um frétt