Manchester City er komið aftur á toppinn í ensku úrvalsdeildinni í fótbolta eftir 3:1-heimasigur á grönnum sínum í Manchester United í dag. Sigurinn var verðskuldaður og hefðu mörk City-manna getað orðið fleiri.
David Silva skoraði fyrsta markið strax á 12. mínútu eftir sendingu nafna síns, Bernardo Silva og var staðan í leikhléi 1:1. Sergio Agüero tvöfaldaði forystuna á 48. mínútu, en David De Gea hefði átt að gera betur í markinu.
Anthony Martial minnkaði muninn á 58. mínútu af vítapunktinum eftir Ederson í marki City braut á Romelu Lukaku, mínútu eftir að Belginn kom inn á sem varamaður. Nær komst United hins vegar ekki og Ilkay Gundogan innsiglaði 3:1-sigur á 86. mínútu eftir magnaða sókn.
Á Emirates-vellinum skildu Arsenal og Wolves jöfn, 1:1. Ivan Cavalieiro skoraði mark Wolves á 14. mínútu en Henrikh Mkhitaryan jafnaði á 86. mínútu og þar við sat.