Margir stuðningsmenn Liverpool klóra sér í höfðinu yfir því hvers vegna Mo Salah sé staddur í New York þegar liðið er í kapphlaupi um sigur í ensku úrvalsdeildinni. Salah birti mynd af sér við pizzuát í stóra eplinu á samfélagsmiðlum.
Skýringin er sú að Salah fór til Bandaríkjanna til að vera viðstaddur kvöldverðarboð sem Time-tímaritið hélt í gærkvöldi. Egyptinn rataði þar inn á 100 manna lista yfir fólk sem tímaritið telur að geti haft mest áhrif á mannkynið um þessar mundir.
Það sem stuðningsmenn Liverpool setja spurningamerki við er að Salah skuli halda í þetta ferðalag yfir í aðra heimsálfu þegar Liverpool á leik á föstudagskvöldið í deildinni. Þann þriðja síðasta sem liðið spilar í deildinni þetta tímabilið. Tekur Liverpool þá á móti botnliðinu Huddersfield.
When in NYC... eat like you’re in Rome 😬 pic.twitter.com/WPEYJxKafi
— Mohamed Salah (@MoSalah) April 23, 2019
Hér er eitt dæmi um stuðningsmann Liverpool sem hefur áhyggjur af stöðunni.
We have a huge match in 70 Hours. Why is Mo Salah in New York eating Pizzas? #LFC
— Eoin (@EoinCasey1) April 23, 2019