Enska knattspyrnufélagið Manchester City verður án franska miðvarðarins Aymerics Laporte í næstu leikjum.
Pep Guardiola knattspyrnustjóri City staðfesti á fréttamannafundi í dag að hann yrði væntanlega frá keppni í mánuð eftir að hafa tognað aftan í læri í fyrri hálfleiknum í sigurleiknum gegn Real Madrid í Meistaradeild Evrópu á miðvikudagskvöldið.
Laporte missir af úrslitaleik deildabikarsins gegn Aston Villa á sunnudaginn og væntanlega af heimaleiknum gegn Real Madrid. Laporte var lengi frá keppni í vetur og var sárt saknað í varnarleik City.