Þó nokkur ensk knattspyrnufélög hafa augastað á Philippe Coutinho, sóknarmanni Barcelona og fyrrverandi leikmanni Liverpool. Coutinho er samningsbundinn Barcelona til ársins 2023 en hann er sem stendur á láni hjá Þýskalandsmeisturum Bayern München.
Arsenal, Chelsea, Manchester United og Tottenham hafa öll áhuga á sóknarmanninum en hann á ekki mikla framtíð fyrir sér á Spáni samkvæmt fréttum frá Katalóníu. Barcelona borgaði Liverpool 142 milljónir punda fyrir hann í janúar 2018.
Bayern München er með forkaupsrétt að leikmanninum og getur keypt hann á 120 milljónir evra eftir tímabilið en þýska félagið ætlar ekki að nýta sér forkaupsréttinn.