Wembley, þjóðarleikvangur Englands í knattspyrnu, var lýstur upp í fánalitum Ítalíu í gærkvöldi. England og Ítalía áttu að mætast í vináttulandsleik á Wembley í gær en ekkert varð úr leiknum vegna kórónuveirufaraldursins sem nú herjar á heimsbyggðina.
Ítalía er það land sem hefur farið verst út úr veirunni á heimsvísu. Alls hafa rúmlega 9.000 manns látist af völdum hennar þar í landi og þar af eru tæplega 86.500 smituð af henni en tala látinna heldur áfram að hækka.
„Þótt við höfum ekki getað tekið á móti ykkur í kvöld erum við samt með ykkur,“ segir á twittersíðu Wembley. „Þetta er bardagi sem við þurfum að heyja saman og sameinuð, þannig förum við með sigur af hólmi.“
Although we couldn't welcome you to Wembley tonight, we are with you @azzurri.
— Wembley Stadium (@wembleystadium) March 27, 2020
This is a battle that must be faced together, with unity. #StayHomeSaveLives. pic.twitter.com/j9YMpdMRDn