Staðan er orðin ansi slæm hjá Aston Villa í ensku úrvalsdeildinni í knattspyrnu eftir að liðið gerði 1:1-jafntefli gegn Everton á Goodison Park í 36. umferðinni í kvöld.
Villa tók forystuna á 72. mínútu þökk sé marki Ezri Konsa og var grátlega nærri því að vinna lífsnauðsynlegan sigur í botnbaráttunni en Theo Walcott jafnaði metin á 87. mínútu. Gylfi Þór Sigurðsson byrjaði á varamannabekk Everton og kom inn á 73. mínútu. Mörkin og tilþrifin má sjá í spilaranum hér að ofan.