Wolves fer vel af stað í ensku úrvalsdeildinni í knattspyrnu en liðið vann 2:0-útisigur gegn Sheffield United á Bramall Lane í Sheffield í dag.
Raúl Jiménez kom Wolves yfir strax á 3. mínútu og Romain Saiss bætti við öðru marki Wolves, þremur mínútum síðar, og þar við sat.
Wolves fer með sigrinum upp í þriðja sæti deildarinnar í 3 stig en Sheffield United er án stiga.
Wolves mætir Manchester City á heimavelli í næstu umferð á meðan Sheffield United heimsækir Aston Villa.