Raúl Jiménez reyndist hetja Wolves þegar liðið heimsótti Leeds í ensku úrvalsdeildinni í knattspyrnu á Elland Road í kvöld.
Leiknum lauk með 1:0-sigri Wolves en Jiménez skoraði sigurmark leiksins á 70. mínútu þegar skot hans fór af Kalvin Phillips og í netið.
Þetta var þriðji sigur Wolves á tímabilinu en liðið er með 9 stig í sjötta sæti deildarinnar, jafn mörg stig og Arsenal og Leicester.
Nýliðar Leeds eru hins vegar í tíunda sætinu með 7 stig eftir fimm leiki.