Jökull hélt hreinu í fyrsta leik

Jökull Andrésson.
Jökull Andrésson. Reading

Jökull Andrésson hélt marki sínu hreinu í fyrsta leik hans með Morecambe, þegar liðið sigraði Colchester United 3:0 í ensku D-deildinni í knattspyrnu í dag.

Í gær var tilkynnt um að Jökull, sem er 19 ára gamall, færi til Morecambe á neyðarláni frá Reading og stendur lánið yfir í sjö daga til að byrja með.

Jökli var hent beint í djúpu laugina og hjálpaði liðinu að vinna góðan sigur í baráttu Morecambe um að komast í umspil um að komast upp í C-deildina.

Með sigrinum hélt Morecambe 6. sætinu í D-deildinni, en efstu þrjú liðin fara beint upp og sæti 4. – 7. gefa tryggja liðunum umspil um fjórða og síðasta lausa sætið.

mbl.is