Ricciardo fljótastur á fyrstu æfingu

Daniel Ricciardo á Red Bull (1:31,060) ók hraðast á fyrstu æfingu keppnishelgarinnar í Barein þrátt fyrir að hafa ekið næstum helmingi færri hringi en næstu menn. Næsthraðast fór Valtteri Bottas á Mercedes (1:31,364) en á þeim Ricciardo munaði 0,3 sekúndum. Þriðji varð Kimi Räikkönen á Ferrari, 0,1 sekúndu á eftir landa sínum Bottas, eða á 1:31,458 mín.

Fjórða besta tímann átti Sebastian Vettel á Ferrari (1:31,470) sem var 12 þúsundustu úr sekúndu á eftir  liðsfélaga sínum Räikkönen og fimmta tímann átti svo Lewis Hamilton á Mrecedes (1:32,272). Var heimsmeistarinn 1,2 sekúndum lengur með hringinn en Ricciardo.

Svo sem sjá má voru fyrstu fjórir bílarnir einkar jafnir en bilið breikkaði síðan. Í sætum sex til tíu urðu Romain Grosjean á Haas (1:32,516), Pierre Gasly á Toro Rosso (1:32,779), Carlos Sainz á Renault (1:32,885), Kevin Magnussen á Haas (1:32,971) og Nico Hülkenberg á Renault (1:33,104). 

Fernando Alonso (1:33,223) og Stoffel Vandoorne (1:33,278) hjá McLaren áttu ellefta og þrettánda besta hring en á milli þeirra varð Charles Leclerc á Sauber  (1:33,364).

Daniel Ricciardo á ferð í Barein í dag. AFP

Enginn hafði við Daniel Ricciardo á Red Bull á fyrstu æfingunni í Barein. AFP

• Blogga um frétt