Grosjean á Mercedes í Paul Ricard

Kanadíska kappakstrinum í formúlu-1 hefur verið aflýst annað árið í röð og er meginskýringin barátta  kanadískra sóttvarnayfirvalda við kórónuveiruna.

Keppa átti í Montreal um helgina en nú eru allar líkur á að mótið komi ekki á dagskrána aftur fyrra en a næsta ári, 2022.

Næsta mót verður því franski kappaksturinn  sem fram fer um komandi helgi í Paul Ricard brautinni í Le Castellet skammt frá suðurströnd Frakklands.

Þar mun Romain Grosjean aka fyrir Mercedes á föstudeginum. Var það sérstakt boð sem liðið bauð honum hafandi horft á hann berjast fyrir lífi sínu í stórbáli eftir árekstur á 220 km/klst  ferð við öryggisvegg í kappastrinum í Barein 29. nóvember sl.

 „Það verður einstök tilfinning að setjast um borð í heimsmeistarabíl,“ sagði Grosjean á heimasíðu Mercedesliðsins, en hann brendist illa á báðum höndum meðan hann braust úr logandi braki Haas-bílsins.

Strax lýsti Mercedesstjórinn Toto Wolff svo um mælt að hann myndi ekki samþykkja að slysið yrði til að binda endi á keppnisferil Grosjean og bauð honum að sinna reynsluakstri fyrir Mercedes. Mun það boð hafa verið mjög uppörvandi fyrir Grosjean á bataferlinu.