Thomas Lemar til Atletico Madrid

Franski landsliðsmaðurinn Thomas Lemar mun ganga til liðs við Atlético Madrid frá Monaco. Þetta kom fram í fréttatilkynningu sem birt var á heimasíðu félagsins nú í kvöld. Félögin hafa ekki komið sér saman um verð en þau mál verða kláruð á næstu dögum.

Lemar skoraði 22 mörk í 123 leikjum fyrir Monaco og hjálpaði liðinu að vinna frönsku deildina og komast í undanúrslitaleik meistaradeildarinnar á tímabilinu 2016/2017. Hann hefur skorað þrjú mörk fyrir landsliðið í 12 leikjum

Lemar var mjög eftirsóttur síðasta sumar bæði af Arsenal og Liverpool. BBC birti meðal annars frétt þess eðlis að Liverpool hafi gert 60 miljón punda tilboð í kappann sem var umsvifalaust hafnað.

Ekki er vitað hvort að þetta renni stoðum undir þær sögusagnir Antoine Griezmann sé á förum frá Atlédico Madrid eða ekki. 

• Blogga um frétt