Qarabag frá Aserbaídsjan vann góðan 1:0-útisigur á Olimpija Ljubljana frá Slóveníu í fyrri leik liðanna í forkeppni Meistaradeildar Evrópu í fótbolta í dag. Hannes Þór Halldórsson gekk á dögunum til liðs við Qarabag.
Hannes glímir við meiðsli sem hann varð fyrir á HM í Rússlandi og lék því ekki í dag. Wilde-Donald Guerrier frá Haítí skoraði sigurmarkið á 79. mínútu.
Issah Abass í liði heimamanna fékk beint rautt spjald á 85. mínútu en Gara Garayev í liði Qarabag fékk sitt annað gula spjald í uppbótartíma og kláruðu því bæði lið leikinn með tíu leikmenn.
Síðari leikur einvígsins fer fram í Aserbaídsjan eftir viku.