Sögunni endalausu er loks lokið. Ítalíumeistarar Juventus greindu frá því rétt í þessu að hollenski landsliðsmaðurinn Matthijs de Ligt hafi skrifað undir fimm ára samning við félagið að undangenginni læknisskoðun.
De Ligt er 19 ára gamall og kemur til Juventus frá hollenska liðinu Ajax. Hann hefur skorað 3 mörk í 77 leikjum með liðinu og var fyrirliði þess á síðustu leiktíð. Þá hefur miðvörðurinn öflugi spilað 17 leiki með hollenska landsliðinu og skoraði í þeim 3 mörk.
Mörg lið hafa verið á höttunum eftir De Ligt í allt sumar en að lokum hafði Juventus betur í baráttunni og greiðir 75 milljónir evra fyrir leikmanninn til að byrja með og við bætast 10,5 milljónir evra við tiltekinn fjölda ára með liðinu.
💡 LIGHTS 🔛 | Matthijs de Ligt è ufficialmente bianconero! https://t.co/vqrukMxB9I ⚪⚫#TURNDELIGTON #LiveAhead pic.twitter.com/a7L41UQ7li
— JuventusFC (@juventusfc) July 18, 2019