Króatinn Ivan Perisic er genginn í raðir Þýskalandsmeistara Bayern München í knattspyrnu, en hann kemur til félagsins á eins árs lánssamingi frá Inter á Ítalíu.
Perisic vann þýska meistara- og bikarmeistaratitilinn hjá Dortmund og gekk svo í raðir Wolfsburg þar sem hann var til ársins 2016. Síðan þá hefur hann verið lykilmaður hjá Inter.
Perisic er þrítugur og á að baki 80 landsleiki með Króötum, sem hafa mætt íslenska landsliðinu nokkuð oft á síðustu árum.