Íslenska U17 ára landslið stúlkna í knattspyrnu tryggði sér í morgun sæti í milliriðli í undankeppni Evrópumótsins þegar það hafi betur gegn Möltu 1:0 í öðrum leik sínum í undanriðlinum í Hvíta-Rússlandi í dag.
Amanda Jacobsen Andradóttir, leikmaður Val, skoraði sigurmarkið með þrumuskoti á 30. mínútu leiksins. Ísland er því með 6 stig eftir tvo leiki en íslenska liðið burstaði Hvíta-Rússland 10:1 í fyrsta leiknum. Ísland mætir Frakklandi í síðasta leik sínum í riðlinum á laugardaginn. Frakkland vann Möltu 6:0 í 1. umferðinni og mætir Hvíta-Rússlandi síðar í dag.
Byrjunarlið Íslands í leiknum í dag:
Cecilía Rán Rúnarsdóttir (M)
Andrea Marý Sigurjónsdóttir (F)
Amanda Jacobsen Andradóttir
Hildur Lilja Ágústsdóttir
Bergþóra Sól Ásmundsdóttir
Andrea Rut Bjarnadóttir
Hildigunnur Ýr Benediktsdóttir
Sædís Rún Heiðarsdóttir
Emma Steinsen Jónsdóttir
Bryndís Arna Níelsdóttir
Aníta Ýr Þorvaldsdóttir