Lorenzo Pellegrini, framherji Roma og ítalska landsliðsins í knattspyrnu, verður frá keppni næstu mánuðina.
Roma greinir frá því að Pellegrini hafi gengist undir aðgerð á ristinni og er reiknað með að hann verði frá æfingum og keppni næstu tvo mánuðina.
Pellegrini missir þar með af leik Ítala og Grikkja í undankeppni EM þann 12. þessa mánaðar þar sem Ítalir geta tryggt sér farseðilinn á EM.
Þessi 23 ára gamli framherji hefur spilað tólf leiki með ítalska landsliðinu og skoraði sitt fyrsta mark í sigri á móti Armeníu í síðasta mánuði.