Spænski knattspyrnumaðurinn Saúl Niguez hefur loks tilkynnt „nýja félagið sitt“ en hann er að opna knattspyrnuskóla fyrir ungmenni í samstarfi við íþróttavöruframleiðandann Nike.
Spánverjinn hefur verið að telja niður á samfélagsmiðlum undanfarna daga og sagðist ætla segja frá nýju liði 3. júní og töldu margir að kappinn væri á leiðinni til Manchester United. Saúl er talinn einn besti miðjumaður Evrópu en hann hefur verið í lykilhlutverki Atlético Madríd undanfarin ár og átti meðal annars stórleik er liðið sló út Evrópumeistara Liverpool úr Meistaradeildinni í mars. Hann hefur reglulega verið orðaður við United, sem er sagt tilbúið að borga um 120 milljónir evra fyrir hann. Þá er Paul Pogba talinn líklegur til að yfirgefa félagið og margir telja að Saúl gæti reynst frábær arftaki Frakkans.
Saúl er engu að síður ekki á leiðinni til Manchester, allavega ekki bráð, en hann er að stofna akademíu í Elche í heimalandinu eins og fyrr segir.
THERE IS A NEW TEAM IN THE CITY pic.twitter.com/fjhtJLW4El
— Club Costa City (@clubcostacity) June 3, 2020