Næstu tveimur deildarleikjum karlaliðs Glasgow Celtic hefur verið frestað en liðið á að taka á móti KR í 1. umferð Meistaradeildar Evrópu hinn 18. ágúst eða eftir viku.
Næstu tveimur leikjum Aberdeen er einnig frestað en í herbúðum bæði Celtic og Aberdeen hafa leikmenn gerst sekir um að fara ekki eftir sóttvarnartilmælum.
Næsta þriðjudag á Celtic að taka á móti KR í Glasgow en ekki er minnst á þá viðureign í fréttaflutningi af málinu enda er þar um innanlandsmál að ræða, þ.e.a.s skosku deildakeppnina.