Franski knattspyrnumaðurinn Kylian Mbappé er ekki sáttur við ummæli sem Oliver Giroud, samherji hans hjá franska landsliðnu, lét falla eftir 3:0-sigur liðsins á Búlgaríu í vináttuleik á þriðjudag.
Þrátt fyrir að Giroud hafi skorað tvö mörk í leiknum sendi hann Mbappé pillu í fjölmiðlum eftir leik og sagði hann aldrei senda á sig.
Samkvæmt L'Equipe var Mbappé allt annað en sáttur við ummælin. Fjölmiðilinn greinir frá því að Mbappé hafi viljað senda út yfirlýsingu á miðla eftir leik, en ekki hafi orðið að því að lokum.
Frakkland er með Ungverjalandi, Portúgal og Þýskalandi í riðli á Evrópumótinu sem hefst annað kvöld.