Hólmbert Aron Friðjónsson var hetja Lilleström er hann skoraði sigurmarkið í 1:0-sigri á fyrrverandi liðsfélögum hans í Aalesund þegar liðin mættust í 32-liða úrslitum norsku bikarkeppninnar í dag.
Sigurmark Hólmberts kom í uppbótartíma fyrri hálfleiks.
Lék hann fyrstu 68 mínúturnar í fremstu víglínu hjá Lilleström í dag.
Bjarni Mark Antonsson var þá í byrjunarliði Start þegar liðið vann öruggan 3:0-útisigur á Moss, einnig í 32-liða úrslitum bikarsins.
Bjarni Mark lék fyrstu 70 mínúturnar á miðjunni hjá Start.