Norski miðjumaðurinn Lisa Naalsund er gengin í raðir toppliðs Manchester United í ensku úrvalsdeildinni í knattspyrnu kvenna.
Naalsund, sem er 27 ára gömul landsliðskona Noregs, kemur frá deildar- og bikarmeisturum Brann í heimalandinu og skrifaði undir samning við Rauðu djöflana sem gildir til sumarsins 2026.
Hún er þriðji leikmaðurinn sem Man. United festi kaup á í janúarglugganum eftir að franski varnarmaðurinn Estelle Cascarino kom að láni frá París SG og kanadíski varnarmaðurinn Jayde Riviere kom á frjálsri sölu.
Hin hálfíslenska María Þórisdóttir er á mála hjá Manchester United.