Franska knattspyrnufélagið París SG hefur tilkynnt að sóknarmaðurinn Kylian Mbappé verði frá keppni næstu þrjár vikurnar.
Mbappé meiddist á læri er Parísarliðið vann 3:1-sigur á Montpellier á útivelli í frönsku 1. deildinni í gærkvöldi.
Á meðal leikja sem Mbappé missir af er fyrri leikur París SG og Bayern München í Meistaradeildinni á heimavelli 14. febrúar næstkomandi. Hann ætti að vera klár í slaginn er seinni leikurinn verður leikinn 8. mars.
Er um mikið áfall fyrir PSG að ræða, enda Mbappé einn allra besti knattspyrnumaður heims í dag.