Leik Udinese og Roma í ítölsku deildinni í knattspyrnu hefur verið hætt eftir að varnarmaður Roma var borinn af velli vegna sársauka í brjósti.
Obite Evan N'Dicka, leikmaður gestanna frá Rómarborg, lagðist í grasið og kvartaði undan verkjum í brjósti í síðari hálfleik. N'Dicka var borinn af velli en hann var með fulla meðvitund allan tímann. Dómari leiksins, Luca Pairetto, ákvað í samráði við þjálfara liðanna að stöðva leikinn og liðin gengu til búningsklefa á 72. mínútu.
Óvíst er hvenær leikurinn verður kláraður en staðan var 1:1 þegar leik var hætt.
The game between Udinese and Roma has been called off following a medical incident involving Evan Ndicka ❌
— Football on TNT Sports (@footballontnt) April 14, 2024
📺 @tntsports & @discoveryplusUK pic.twitter.com/4m0rqQv31j