KA náði í dag sjö stiga forystu á toppi Mizuno-deildar karla í blaki með því að vinna öruggan sigur á Þrótti austur í Neskaupstað, 3:0.
KA vann fyrstu hrinu 25:18, aðra hrinu 25:15 og þá þriðju eftir framlengingu, 27:25. KA er með 25 stig toppi deildarinnar, HK er með 18 stig, Stjarnan 15, Þróttur N. 8 og Afturelding 6 stig.
Quentin Moore skoraði 21 stig fyrir KA og Mason Casner 12. Miguel Mateo var stigahæstur hjá Þrótti með 23 stig og Atli Fannar Pétursson skoraði 6.