Þrír íslenskir sundmenn náðu í dag lágmarki fyrir heimsmeistaramótið í 25 metra laug sem fram fer í Kína í desember.
Kristinn Þórarinsson úr ÍBR er þriðji maðurinn en fyrr í dag var greint frá því að Anton Sveinn McKee og Dadó Fenrir Jasminuson hefðu náð lágmarki, á Íslandsmeistaramótinu sem fram fer í Ásvallalaug í dag og um helgina.
Kristinn varð Íslandsmeistari í 200 metra fjórsundi á 2:00,04 mínútum en lágmarkið fyrir HM er 2:00,70.