Anton Sveinn McKee bætti við sínu fjórða Íslandsmeti á Evrópumeistaramótinu í 25 metra laug í Glasgow í dag. Anton synti 200 metra bringusund á 2:03,67 mínútum og bætti eigið Íslandsmet um 0,76 sekúndur.
Anton varð annar í sínum riðli og með fjórða besta tíma allra. Hann er því kominn í úrslit, sem fara fram klukkan 17:15.
Anton hafnaði í sjöunda sæti í 50 metra bringusundi í gær og setti hann Íslandsmet í undanrásum, undanúrslitum og í úrslitum.