Landsliðsmaðurinn Guðlagur Victor Pálsson átti frábæran leik fyrir Darmstadt 98 í þýsku B-deildinni í knattspyrnu í dag og skoraði og lagði upp mark í 4:0 sigri liðsins á St. Pauli.
Guðlaugur lagði upp fyrsta markið á 7. mínútu og innsiglaði svo sigurinn á 90. mínútu.
Ein letztendlich souveräner Heimsieg! 💪 #sv98 pic.twitter.com/GFJNu5QOZZ
— SV Darmstadt 98 (@sv98) May 23, 2020
Um aðra umferð þýska boltans er að ræða eftir að leikar hófust á ný þar í landi eftir að heimsfaraldur kórónuveirunnar skall á heimsbyggðinni.
Darmstadt er í 5. sæti deildarinnar með 39 stig eftir 27 umferðir og er sex stigum frá umspilssæti um sæti í efstu deild þegar sjö umferðir eru eftir af tímabilinu.
Rúrik Gíslason var ekki í leikmannahópi Sandhausen sem gerði markalaust jafntefli við Jahn Regensburg.
Sandhausen hefur 30 stig í 14. sæti og er tveimur stigum frá fallsæti.