Ólafía Þórunn Kristinsdóttir lék vel á fyrsta hring sínum á Thornberry Creek-golfmótinu í bænum Oneida í Wisconsin-ríki í norðausturhluta Bandaríkjanna. Ólafía fékk sex fugla og þrjá skolla og lék á þremur höggum undir pari.
Ólafía byrjaði ekki sérstaklega vel og fékk skolla á fyrstu holunni, en hún svaraði því með fugli á þriðju holu. Hún fékk svo tvo fugla í röð á áttundu og níundu holunni, en annan skolla á tólftu.
Hún gerði sér svo lítið fyrir og fékk þrjá fugla á fjórum holum og komst fjórum höggum undir parið. Ólafía fékk hins vegar skolla á sautjándu holu og fór aftur þremur höggum undir parið. Ólafía er í 18.-31. sæti þegar fréttin er skrifuð, en það gæti breyst er allir kylfingar ljúka leik.
Haldi Ólafía sömu spilamennsku áfram, er ljóst að hún er á leiðinni í gegnum niðurskurðinn á morgun.
Ólafía í Oneida, 1. dagur | Opna lýsingu Loka | ||
---|---|---|---|
kl. 17:25 Textalýsing 18 - PAR - Ólafía klárar þennan flotta hring með því að fá par á 18. holunni. Sex fuglar og þrír skollar. Það er lítið hægt að kvarta yfir því. | |||
Augnablik — sæki gögn... |