Strákarnir leika um sæti 9.-16. á EM

Karlalandsliðið. Frá vinstri: Jussi Pitkänen, Björn Óskar Guðjónsson (GM), Gísli ...
Karlalandsliðið. Frá vinstri: Jussi Pitkänen, Björn Óskar Guðjónsson (GM), Gísli Sveinbergsson (GK), Rúnar Arnórsson (GK), Henning Darri Þórðarson (GK), Aron Snær Júlíusson (GKG), Bjarki Pétursson (GB), Arnór Ingi Finnbjörnsson. Ljósmynd/golf.is

Íslenska karlalandsliðið í golfi mun leika um 9.-16. sæti á Evrópumóti landsliða sem fram fer í Þýskalandi á Golf Club Bad Saarow vellinum dagana 10.-14. júlí.

Fyrstu tvo keppnisdagana var leikinn höggleikur þar sem fimm bestu skorin voru reiknuð saman en Ísland endaði í þrettánda sæti. Liðin sem enda í sætum níu eða neðar keppir í B-riðli þar sem leikið er um sæti en átta efstu liðin komust í A-riðil og eiga möguleika á því að vinna til verðlauna. Strákarnir voru á pari í tíunda sæti eftir fyrri keppnisdaginn en gekk illa á seinni deginum í gær og léku á samtals sjö höggum yfir pari.

Íslenska kvennalandsliðið í golfi endaði í 18. sæti í höggleik á Evrópumóti kvenna sem fram fer á GC Murhof vellinum í Austurríki. Alls voru sex leikmenn í hverju liði og voru fimm bestu skorin eftir hvern keppnisdag lögð saman. Ísland mætir Slóveníu og Tyrklandi í keppni um 17.-19. sæti.