Atvinnukylfingurinn Guðmundur Ágúst Kristjánsson lék annan hringinn á lokamóti Áskorendamótaraðarinnar í golfi á 68 höggum eða þremur undir pari. Með hringnum fór hann upp um átta sæti og upp í 22. sæti þegar mótið er hálfnað.
Guðmundur fékk fjóra fugla á hringnum og einn skolla. Hann er á samtals tveimur höggum undir pari eftir hringina tvo, níu höggum frá Þjóðverjanum Alexander Knappe sem er í forystu.
Leikið er á Mallorca og fer þriðji hringurinn fram í dag og sá fjórði og síðasti á morgun.