Andri Már Óskarsson úr Golfklúbbi Selfoss varð efstur karla í Hvaleyrarbikarnum í golfi í Hafnarfirði í dag en hann var efstur ásamt Axel Bóassyni eftir annan hring í gærkvöldi.
Þriðja og síðasta keppnisdeginum var nú að ljúka hjá Keili í Hafnarfirði en Andri lék hringinn á 70 höggum, einu undir pari, og lauk keppni á alls sex höggum undir pari. Daníel Ísak Steinarsson og Axel, báðir úr Golfklúbbi Keilis, voru næstir á fjórum höggum undir pari.