Ragnhildur Kristinsdóttir, einn fremsti kylfingur Íslands undanfarin ár, gaf það út í síðustu viku að hún væri orðin atvinnumaður í golfi, eftir að hafa keppt sem áhugamaður með góðum árangri.
Morgunblaðið sló á þráðinn til Ragnhildar, þegar hún var á flugvelli á Spáni á leið heim úr æfinga- og keppnisferð með landsliðshópi Golfsambands Íslands og afrekshópi Golfklúbbs Reykjavíkur.
„Þetta var æfinga- og keppnisferð hjá landsliðshópi GSÍ og svo með afrekshópi GR. Við vorum í Hacienda Del Alamo, í klukkutíma fjarlægð frá Alicante. Þar eru nýjar bækistöðvar Golfsambandsins fyrir afrekskylfinga,“ sagði Ragnhildur við Morgunblaðið.
Hún hefur undanfarin ár keppt fyrir háskólalið Eastern Kentucky-háskólans í Bandaríkjunum við góðan orðstír, en er nú klár í slaginn sem atvinnumaður.
Viðtalið má sjá í heild sinni á íþróttasíðum Morgunblaðsins í dag.