Alþjóðahandknattleikssambandið hefur tilkynnt hvaða tíu þjálfarar, fimm í karlaflokki og fimm í kvennaflokki, koma til greina í kjörinu á þjálfurum ársins 2011.
Alfreð Gíslason hjá Kiel er eini þjálfari félagsliðs sem tilnefndur er og annar Íslendingur, Þórir Hergeirsson, er tilnefndur sem þjálfari norska kvennalandsliðsins.
Í flokki þjálfara karlaliða eru tilnefndir auk Alfreðs þeir Ulrik Wilbek (Danmörk), Claude Onesta (Frakkland), Valero Rivera López (Spánn) og Eduardo Gallardo (Argentína). Í flokki þjálfara kvennaliða eru auk Þóris þeir Olivier Krumbholz (Frakkland), Dragan Adzic (Svartfjallaland), Morten Soubak (Brasilía) og Francisco Eduardo (Angóla). sindris@mbl.is