Tandri Már Konráðsson og félagar í Skjern frá Danmörku tryggðu sér sæti í 16-liða úrslitum Meistaradeildarinnar í handknattleik í dag með ótrúlegum 33:26-sigri á Motor Zaporozhye frá Úkraínu.
Skjern tapaði naumlega í Úkraínu um síðustu helgi, 32:30, en Tandri og félagar unnu frábæran sjö marka sigur í dag til að tryggja sér sæti í næstu umferð. Þeir mæta Veszprém frá Ungverjalandi í 16-liða úrsiltunum.
Tandri Már sagði í viðtali við mbl.is fyrr í vikunni að þátttaka í 16-liða úrslitunum myndi vera einn stærsti áfangi í sögu Skjern en það er nú raunin. Sjá má viðtalið í heild hér að neðan.
Úrslitin hefðu þó getað verið allt önnur ef ekki hefði verið fyrir Tibor Ivanisevic í marki Skjern. Hann gerði sér lítið fyrir og varði heil sjö vítaköst í leiknum og er sjón sögu ríkari en þau má sjá á meðfylgjandi myndskeiði.
Have you ever seen anything like this? We sure haven't. Tibor Ivanisevic saved a total of seven penalty shots for @SkjernHaandbold in the #veluxehfcl #motw, and made sure another hit the crossbar as well pic.twitter.com/PpqRzeaE9w
— EHF Champions League (@ehfcl) March 4, 2018