HK hafði betur gegn Þrótti, 30:25, í oddaleik liðanna í umspili um sæti í úrvalsdeild karla í handknattleik sem fram fór í Laugardalshöllinni í kvöld og mætir KA í slagnum um að fylgja liði Akureyrar upp í deild þeirra bestu.
HK var yfir í hálfleik, 16:12, og hélt fengnum hlut í þeim síðari og vann þar með einvígið, 2:1.
Styrmir Sigurðarson skoraði 7 mörk fyrir Þrótt og Kristján Þór Karlsson 5 en hjá HK-ingum var Kristján Ottó Hjálmsson markahæstur með 10 mörk og Ingi Rafn Róbertsson kom næstur með 6 mörk.