Fimm íslensk lið hafa skráð sig til leika á Evrópumótum félagsliða í handknattleik á komandi keppnistímabili, þrjú karlalið og tvö kvennalið en þetta kemur fram á vef HSÍ.
Kvennalið KA/Þórs mun taka þátt í Evrópukeppni í fyrsta skipti en það er skráð í EHF-bikar kvenna, ásamt liði Vals.
Valur hefur skráð sig í hina nýju Evrópudeild karla og Afturelding og FH tilkynntu þátttöku í EHF-bikar karla.
Valsmenn eiga að hefja keppni í lok ágúst en önnur mót fara af stað í september og október.