Kadetten Schaffhausen hefur ekki tapað deildarleik á keppnistímabilinu í efstu deild karla í svissneska handboltanum.
Kadetten er undir stjórn Aðalsteins Eyjólfssonar og vann í dag St. Otmar/St. Gallen 25:18 á heimavelli.
Var það áttundi leikur Kadetten í deildinni og hafa þeir allir unnist. Liðið er því með 16 stig og 61 mark í plús.
Kadetten komst einnig í riðlakeppni Evrópudeildarinnar með því að slá út spænska liðið Granollers en keppni í riðlinum er ekki hafin.