Ómar Ingi Magnússon skoraði minna en oft áður en Magdeburg vann sannfærandi 35:25-heimasigur á Zagreb í Meistaradeild Evrópu í handbolta.
Selfyssingurinn lét duga að skora tvö mörk að sinni, en hann gerði sér lítið fyrir og lagði upp átta mörk á liðsfélaga sína. Gísli Þorgeir Kristjánsson skoraði þrjú mörk og lagði upp eitt.
Magdeburg hefur farið vel af stað í Meistaradeildinni og er liðið með fjögur stig eftir tvo leiki og í toppsæti A-riðils. Bjarni Már Elísson og félagar í Veszprém eru einnig með fjögur stig.
Í B-riðli máttu pólsku meistararnir í Kielce þola 28:32-tap fyrir Barcelona á útivelli. Haukur Þrastarson komst ekki á blað hjá Kielce, en hann stal þó einum bolta.