Sigvaldi Björn Guðjónsson var á meðal markahæstu manna hjá Kolstad þegar liðið vann öruggan átta marka sigur gegn Bækkelaget í norsku úrvalsdeildinni í handknattleik á heimavelli í dag.
Leiknum lauk með 31:23-sigri Kolstad en Sigvaldi Björn skoraði fjögur mörk í leiknum og Janus Daði Smárason skoraði tvö.
Kolstad er með 24 stg eða fullt hús stiga á toppi norsku úrvalsdeildarinnar eftir fyrstu tólf umferðirnar.
Þá skoraði Óskar Ólafsson eitt mark fyrir Drammen sem gerði 28:28-jafntefli á heimavelli gegn Fjellhammer en Drammen er í öðru sætinu með 19 stig.