Sú ákvörðun Alþjóðahandknattleikssambandsins að senda leikmenn á HM karla í einangrun í fimm daga ef þeir greinast með kórónuveirusmit er skrýtin.
Við höfum séð hvert stórmótið á fætur öðru seinni hluta ársins 2022 þar sem öllum takmörkunum vegna veirunnar hefur verið sleppt.
Á heimsmeistaramótinu í fótbolta í Katar í nóvember og desember léku 32 landslið, alls staðar að úr heiminum, rétt eins og á HM í handbolta í Svíþjóð og Póllandi í þessum mánuði.
Engar fréttir bárust af veirunni við Persaflóann, hvorki í hópi leikmanna né hjá þeim tugum þúsunda áhorfenda sem sóttu hvern leik fyrir sig.
Heilt Evrópumót kvenna í handbolta fór fram í þremur löndum á Balkanskaganum í nóvember og þar spurðist heldur ekkert til veirunnar.
Bakvörð Víðis má lesa í heild sinni á íþróttasíðum Morgunblaðsins í dag.