Dagur á heimleið?

Dagur Kár Jónsson í bikarúrslitaleiknum 2015.
Dagur Kár Jónsson í bikarúrslitaleiknum 2015. mbl.is/Ómar Óskarsson

Netmiðillinn Karfan.is heldur því fram að Dagur Kár Jónsson kunni að vera á heimleið frá Bandaríkjunum. 

Dagur Kár lék síðasta vetur með St. Francis í New York í bandaríska háskólaboltanum. Í frétt Körfunnar kemur ekki fram hvers vegna Dagur ætti að koma heim en sagt er að öruggar heimildir séu fyrir fréttinni. 

Dagur er uppalinn í Stjörnunni og var í stóru hlutverki þegar liðið varð bikarmeistari árið 2015. Dagur er sonur Jóns Kr. Gíslasonar fyrrverandi landsliðsmanns úr Keflavík. 

Fari svo að Dagur Kár kom heim og spili í Dominos-deildinni þá myndi hann styrkja hvaða lið sem er í deildinni enda í hópi efnilegustu bakvarða landsins. 

Dagur Kár Jónsson er leikmaður St. Francis sem stendur.
Dagur Kár Jónsson er leikmaður St. Francis sem stendur. karfan.is
mbl.is