LeBron James og félagar hans í Cleveland eru í basli þessa dagana í NBA-deildinni í körfuknattleik en í nótt töpuðu þeir fyrir Toronto Raptors, 133:99.
Þetta var sjötti tapleikur Cleveland í síðustu átta leikjum en Toronto hefur verið sterkt heim að sækja þar sem liðið hefur unnið 15 leiki en tapað aðeins tveimur. Fred VanVleet var stigahæstur í liði Toronto með 22 stig en LeBron var atkvæðamestur í liði Cleveland með 26 stig en þetta var stærsti ósigur liðsins á tímabilinu.
Jaylen Brown skoraði 21 stig og Kylie Irwing 20 fyrir Boston í sigri liðsins gegn Philadelphia. J.J. Reddick var stighæstur í liði Philadelphia með 22 stig.
Úrslitin í nótt:
Toronto - Cleveland 133:99
Philadelphia - Boston 103:114
LA Lakers - SA Spurs 93:81
Sacramento - LA Clippers 115:121