Nágrannaliðin Grindavík og Njarðvík takast á í Grindavík í Dominos-deild karla í kvöld en einnig er hörkuleikur á dagskrá í Garðabænum.
Leikurinn í Grindavík hefst klukkan 18:30 og verður væntanlega fyrsti leikur Elvars Más Friðrikssonar með Njarðvík í nokkurn tíma. Njarðvík hefur unnið fimm af fyrstu sex leikjum sínum og er með 10 stig í 3. sæti en Grindavík er með 4 stig í 10. sæti.
Bikarmeistararnir í TIndastóli heimsækja Stjörnuna í Garðabæinn klukkan 20:15. Tindastóll er í 2. sæti með 10 stig en Stjarnan í 5. sæti með 8 stig.