Ástralía vann alla fimm leiki sína í riðlakeppni HM karla í körfubolta sem fram fer í Kína. Ástralía mætti Frökkum í úrslitaleik um toppsæti milliriðils L í dag og vann dramatískan 100:98-sigur.
Patty Mills, leikmaður San Antonio Spurs, skoraði 30 stig fyrir Ástralíu og Evan Fournier hjá Orlando Magic 31 stig fyrir Frakkland. Staðan var 98:98 þegar örfáar sekúndur voru til leiksloka en Ástralía hafði betur í blálokin og tryggði sér sigurinn á vítalínunni þökk sé Mitchell Creek.
Bandaríkin ljúka leik í milliriðli K með fullt hús stiga eftir 89:73-sigur á Brasilíu. Myles Turner og Kemba Walker skoruðu 16 stig hvor fyrir bandaríska liðið.
Átta liða úrslitin byrja á morgun þegar Argentína og Serbía mætast annars vegar og Spánn og Pólland hins vegar. Síðari tveir leikir átta liða úrslitanna eru spilaðir á miðvikudag.
Átta liða úrslit:
Argentína - Serbía
Bandaríkin - Frakkland
Spánn - Pólland
Ástralía - Tékkland