Njarðvík í úrslit eftir þriðja sigurinn í röð

Njarðvík tryggði sér í kvöld sæti í úrslitum Íslandsmóts kvenna í körfubolta með 64:58-heimasigri á Fjölni í fjórða leik liðanna í undanúrslitum í kvöld. Njarðvík vann einvígið 3:1 og mætir Haukum í úrslitum.

Frétt af mbl.is

Höldum áfram og reynum að ná Íslandsmeistaratitlinum

Fjölnir byrjaði betur með hina bandarísku Aliyah Mazyck í miklu stuði og var staðan 14:8 þegar fyrsti leikhluti var hálfnaður. Mazyck skoraði níu af fyrstu 14 stigunum og fann sig vel.

Frétt af mbl.is

Dómararnir vita ekki hvernig manneskja ég er

Njarðvík óx hinsvegar ásmegin í leikhlutanum og tókst heimakonum að jafna í 19:19 undir lok leikhlutans. Aliyah Mazyck skoraði hinsvegar stórkostlegan flautuþrist í blálok leikhlutans og sá til þess að Fjölnir væri með þriggja stiga forskot þegar annar leikhluti hófst, 22:19.  

Njarðvík komst yfir í fyrsta skipti í leiknum þegar annar leikhluti var hálfnaður, 25:24. Fjölnir var hinsvegar ögn betri það sem eftir lifði leikhlutans og gestirnir voru því með tveggja stiga forskot í hálfleik, 32:30.

Njarðvík byrjaði mun betur í seinni hálfleik og skoraði sjö fyrstu stigin hans og breytti stöðunni í 37:32, sér í vil. Lára Ösp Ásgeirsdóttir skoraði tvo þrista undir lok þriðja leikhluta og kom Njarðvík í níu stiga forskot, 46:37. Að lokum munaði tólf stigum á liðunum fyrir fjórða og síðasta leikhlutann 51:39.

Fjölnir skoraði fimm fyrstu stigin í fjórða leikhluta og minnkaði muninn í 51:44. Þegar fjórar mínútur voru eftir var munurinn aðeins þrjú stig, 53:50. Njarðvík skoraði næstu fjögur stig og var munurinn því sjö stig þegar tvær mínútur voru eftir, 57:50. Tókst Fjölni ekki að jafna eftir það og Njarðvík er komin í úrslit. 

Aliyah Collier var stigahæst hjá Njarðvík með 21 stig og þá tók hún einnnig 24 fráköst. Diane Oumou skoraði 15 og tók 14 fráköst. Aliyah Mazyck skoraði 19 stig og tók 9 fráköst fyrir Fjölni. Sanja Orozovic skoraði 12 stig. 

Njarðvík	64:58	Fjölnir	Opna lýsingu Loka
99. mín. skorar
Augnablik — sæki gögn...

• Blogga um frétt