Körfuknattleiksmaðurinn Dagur Kár Jónsson leikur ekki meira með Stjörnunni á yfirstandandi tímabili eftir að hann gekkst undir skurðaðgerð á hné.
Karfan.is greinir frá því að Dagur hafi gengist undir aðgerðina fyrir tveimur vikum vegna meiðsla sem höfðu verið að plaga hann um skeið.
Reiknar Dagur með því að vera frá keppni í tvo til þrjá mánuði og þar með tekur hann ekki frekari þátt á tímabilinu.
Bakvörðurinn er áfram samningsbundinn Stjörnunni og verður að eigin sögn klár í slaginn fyrir næsta tímabil.