Yfirheyrslur vegna Milestone
Setja bókamerki
Tengdar fréttir
Húsleit hjá Sjóvá ofl
Yfirheyrslur yfir grunuðum og vitnum er tengjast eignarhaldsfélaginu Milestone standa nú yfir í húsakynnum sérstaks saksóknara samkvæmt heimildum mbl.is. Sérstakur saksóknari Ólafur Þór Hauksson vildi ekkert gefa upp hvaða fyrirtæki væri til skoðunar en sagði yfirheyrslurnar hluta af rannsókn sem byrjað var á í sumar. Hann segir gert ráð fyrir að yfirheyrslum ljúki í kvöld en þær hafa staðið yfir frá því í morgun.
Eftir því sem heimildir mbl.is herma hafa aðaleigendur Milestone, bræðurnir Karl og Steingrímur Wernerssynir ekki verið til yfirheyrslu í dag.
Ólafur staðfesti að fleiri yfirheyrslur væru fyrirhugaðar í þessari viku en þar væri um að ræða annað mál en það sem væri til skoðunar í dag.
Ólafur Þór sagði embættið vinna eftir sérstakri rannsóknaráætlun fyrir hvert mál og nú hittist svo á að yfirheyrslur er vörðuðu fleiri en eitt mál færu fram í þessari viku.
Kaldasti veturinn kom að óvörum
Banna mengandi búnað sem leyfður er á Íslandi
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
Gígbarmurinn hækkað frá því í gær
Eyjafjarðarbraut lokað vegna alvarlegs umferðarslyss